Како континуитет на една успешна приказна што започнува во 1998 година во Штип, кога од локален семеен бизнис, компанијата ОАЗА со текот на годините прераснува во глобален бренд, 18 години подоцна, се реализира сосема нова деловна идеја. Во јуни 2016 година, стартува новиот бизнис-концепт насловен „ОАЗА Алкалоиди“ – што воедно претставува еден од пионерите во делот на приватниот сектор во земјава, чија деловна дејност се темели на одгледување канабис за медицински цели.

Лоцирана во срцето на македонскиот Исток – во штипскиот регион, на површина од 15.000 m², компанијата „ОАЗА Алкалоиди“ функционира во рамки на современ објект, создаден во согласност со трендот на мултинационалните фармации, според највисоки стандарди за квалитет и безбедност.